20201029

 螞蟻上市前，有傳美國想阻撓，目的當然是想斷中共財路，下下咁集資法幾時先陰得乾中國﹖

然後，螞蟻如期上市，新股抽到如火如荼，不亦樂乎。

大陸要推國安法，理由係要確保香港呢個全中國唯一自由兌換美金嘅地方絕對控制喺自己手上，所以國安法搞掂之後，佢放手等一大堆喺美國上市嘅中概股回流香港，唔駛成日擔驚受怕美國一時逼你賣盤一時又要你停牌咁，反正要美金，唔一定要去美國，喺香港效果相同。仲要監管上香港一定放軟手腳，隻隻大型中資股上面都有人照住，證監有邊個敢開file查﹖

但nasdaq交投量大好多，點算﹖自己整個出唻，主要科技股放哂喺香港上市，再多幾隻重量級，都可能真係可以搞得起。

問題係，美國會唔會等你慢慢咁回流，然後一堆美國基金又肯認投，於是一大堆美金就咁俾中國吸走哂﹖Joe Biden做總統或者會，Donald Trump就應該冇咁蠢。

咁要斷大陸呢條水路，你係Donald Trump，你會郁邊個丫﹖

Trump選唔到就由自可，選到的話，睇怕好快就會唻料，佢寧願D美國基金輸一鑊甘嘅，都好過養虎為患。而家仲拿住一大堆港股嘅，真係小心D喇。