好，終於抆走個牌，可以寫多D野。

呢排都冇得唔講恆大，喂我真心想問，依家仲買嘅人其實真係乜野心態﹖你真係想賭不如去D網上賭場買大細好過啦，起碼win rate有48.6%左右。我識有人四蚊幫客入，而家都未肯止蝕，我祝佢仆街冚家剷。

買賣股票呢幾年，我慢慢領悟到一個道理，港股係用唻炒嘅，而美股係用唻買嘅。長遠而言，講投資價值，都係美股優先。現價係高，量力而為，睇唔清就唔好買，一買要買公司質素最好嘅，至於價錢，而家間間都貴架啦，真係嫌貴咪等下囉。成日都話，股市唔怕聰明人，但怕有耐性嘅人。

價值投資，我好贊同，但必須先揀好賽道。喺唔啱嘅market做價值投資，根本係死路一條。喺合理嘅環境做合理嘅事，就自然會賺到合理嘅錢。唔合理嘅market, 就等到佢合理先啦。

講到底，呢個世界有強姦冇焗賭，冇人會監你買股票嘅。