Head and Shoulder 頭肩頂

Cup and Handle 淺談(4)

1. Breakout 如果同時gap up，值博率會更高，但要注意當日的上升幅度，例如如果單日升三成，翌日回調的機會就會很高，那麼延遲下注可能會比較適合。不過世事無絕對，所以最好還是分注買入吧。

2. 底部離200天線太遠的Cup and Handle 失敗的機會很高。特別是該股已偏離200天線上升一段時間後的Pattern，一般這種情況，該股票應該需要一段時間整固，才會有繼續大升的可能。

3. 如果遇到信心較大的 pattern，而實際該股亦如預期一樣開始大升，就請放膽一點，不要急著沽貨獲利。大型股票的Cup and Handle的期望利潤亦應該至少有50%，中價股通常會更高。

不過個人意見是，大型優質股長期持有就可以，根本不必靠圖，這種情況太執著於圖形，很可能會錯失良機。

(以日線圖論，杯型並不明顯的Tesla)

(同樣杯型欠佳的Nvidia，但該股自breakout起兩年內狂升近五倍)

Cup and Handle 淺談(3)

今日繼續分享Cup and Handle的要點：

1. 市值：以市值論，中小型市值股票出現Cup and Handle的機率比較高。唯個人而言，細價股風險偏高，因此較少會投資，主要選擇中型市值的股票。我自己當遇上細價股出現買入訊號時，會要求較肯定的訊號才會下注(例如加上其他基本因素支持)，否則寧願賺少次。

另外，大型股雖然也有可能出現Cup and Handle，但量的變化沒中小型股票明顯，特別是杯底位置，通常未必會有明顯交易量收縮的情況。而且杯型亦比較不明顯。

2. 時間和深度：大部分理想的Cup and Handle中位數是三至四個月。若太短(例如只有不到兩個月)或太長(例如超過七個月)，準確性就要打折扣。

至於深度，因股而異，要留意該股以往的波幅作參考，Oneil書中建議若調整幅度超過3-4成的話成功率偏低，這點用來作簡單準則是可以的，實際要參考該股的歷史波幅。以往波幅較大的股票，應接受較大的調整波幅。

3. 200天線：大部分成功的Cup and Handle，都是位於200天線上的。當然，200天只是參考，不一定要跟足。例如你可以採用250天線或者其他更長期的平均線。背後的理念是，位於長期平均線上的股票，蟹貨一般較少，要爆上自然比較容易。

比較理想的狀態，是杯底基本上是圍繞著200天平均線，並錄得每日低價格波幅。

(爆升前的寧德時代)

4. 實際操作的經驗是，杯型的左邊，股價下降的所需時間，最好長於杯型右邊股價上升的所需時間(柄型和杯底不包括在內)。我到現在也不能歸納出甚麼特別的原因，但右邊太長時間上升至柄位的，需小心行事。

(AMD，這是個例外，右邊上升時間比左邊下降時間要久)

有價值地分享投資心得

失驚無神地無啦啦寫cup and handle，係因為facebook最近好多呢D所謂技術分析pop up。大部分就係寫拿我呢個位買入，呢個位賣出，短短幾多日賺左幾多%。言下之意就係你跟我搵食都可以X日賺到咁多%，所以歡迎大家訂閱我嘅patreon，多謝~(港姐tone)。

這種投資分享，於我而言根本毫無意義。原因係大部分人投資時面對的，唔係贏幾多錢嘅問題，而係一個個心理難關。點解買，點解而家買，點解唔係聽日買，點解買左今日唔沽，咁點解今日唔沽聽日又走去沽，等等。

分析持倉時嘅心理糾結，要比單純嘅操作步驟有用得多。原因係，我寫我嘅步驟出唻，然後你照跟，通常必死無疑。投資要配合個性，而且一般投資者，一個方法用幾次都輸錢，點都會質疑個方法係咪真係work。咁面對呢D自我質疑嘅時候，應該用乜野心情去看待，應該點樣繼續，到最後搵到適合自己嘅方法，先係投資嘅重點。

唔講呢D，一味就咁寫自己嘅操盤紀錄，我當嗰D真係你D本事唻，寫出唻除左你自己爽，同埋賺左訂閱費之外，我都真係唔知有乜野用。

Cup and Handle 淺談 (2)

我自己睇圖，有幾樣野我覺得都幾重要嘅，其中一樣係要Take log scale. 價同量都應該咁做。

Take log scale嘅目的，係令到原本exponential 嘅sequence用linear嘅方式表示。舉個例子。一隻股票每星期升3%，如果你plot weekly chart，佢會係咁：

會呈一條曲線。曲線嘅問題係，中間快左慢左，其實就咁睇，人類係好難分辨。但take log scale之後就會變成咁：

中間如果升快/慢左，你好容易就可以由斜率嘅改變而睇得出。

至於量，一般睇linear scale好容易會俾breakout嘅日子dominate左成張圖，於是一般日子嘅交易量變化用linear scale基本上係睇唔出，全部縮矮仔變左一點咁：

(Volume用linear scale 表達)

(同一張圖volume用log scale表達)

今次想講嘅重點係，睇Cup and Handle，睇價之餘一定要睇量(唔講量嘅，你知佢咩料啦)。2337.TT(係台股冇錯)係我做落呢幾年其中一隻最經典嘅Cup and Handle圖，教材級走勢，非常好用唻解釋呢個pattern。

如圖所示，最理想嘅情況，係杯底交投量明顯偏低。高交易量係有可能做假嘅(當然要睇係咩股票，中小價股就小心)，但低交易量係冇得做假嘅，所以必須留意低交易量日子嘅價格同交易量走勢。

而於Handle位置，交易量亦會呈幾何級數下降(take log scale後就變成直線下降了，如圖所示。)然後靜心等待breakout就可以。

Breakout的交易量也有值得留意之處。睇圖炒股唔可以死背書，有時breakout日交易量會比前一日低，但前一日如果亦是價量齊升至接近breakout價，而交易量又係比之前幾日高幾倍嘅，一般準確度都會幾高，值得一博。

Cup and Handle 淺談

唔知係咪因為成日開股票網睇股票嘅關係(唔好問我點解唔用bloomberg，我有苦衷)，facebook成日彈D股票KOL嘅post俾我睇。然後我發現，其實大部分都係唔識睇，睇錯，同埋9up嘅。

特別係寫cup and handle，我好懷疑條友係咪睇完本書就話自己識然後求其揀隻股票畫條線喺下面，然後過幾日升左就拎出唻講。

我都唔敢話自己真係好識，不過前後研究左八九年，叫做識少少皮毛，可以分享少少心得，當然歡迎大家討論。

唔係唔想寫多，不過因為牌照關係，直接講邊隻股票係或者唔係乜野pattern，可能會被證監關照，所以就免喇。

Anyway, 睇圖有幾樣野，一定要注意嘅：

1. 初學者唔好心急實踐。睇圖炒股最常見嘅錯誤，就係你學左一個pattern之後，求其睇隻股票，你都覺得有嗰個pattern。呢個絕對係錯覺唻。你真係要試我唔阻止你，但請你先準備好錢。

2. Cup and Handle唻講，唔該，唔好用唻睇index，用cup and handle分析index嘅，佢一定係唔識扮識。

3. Oneil原著係用weekly chart睇，但我自己用落咁多年，都覺得真係要用daily先得，weekly有時太過簡化資訊唔夠，而且，你等weekend先睇，真係會過哂價位。

4. 股票嘅野冇百分百。就算你真係睇啱個pattern，佢都依然有機會唔升，甚至倒跌。睇圖係要睇機會率嘅。

5. 同理，隻股票個pattern係錯，唔代表佢唔會升。有D股票佢爆升就係唔跟pattern，你吹咩﹖

6. 睇Cup and Handle然後贏左20%你take profit，喂呢D講出唻識就笑死唔識就嚇死。搞番清楚先，個pattern唔係用唻俾你捉十幾二十 percent 波幅嘅，係用唻睇升浪。不過炒波幅嘅pattern我就冇研究喇，但總之就唔係Cup and Handle啦。

今次講住咁多先。

2021下半年展望

Yellen 一個月內兩次打開口牌，美國通脹應該係比預期嚴重。

咁而家market就面對一大風險，就係Fed隨時提早加息，或者收水規模比預期早及大。

以上三項事但一樣發生，個市反應應該都會幾大，個市估值太高，都唔係今日先知。

都係梁錦松嗰句，有咁耐風流有咁耐折墮。上年靠放水泵起嘅市，總要面對潮退嘅一刻。通脹殺到嗰陣，都唔到你話怕個市跌就唔加息。到時就一地雞毛。

對香港雪上加霜嘅係，G7通過最低稅率，原本跨國企業走唻香港避稅嘅如意算盤再打唔響，而香港而家嘅所謂競爭力，加上移民潮嘅走資壓力，資產價格仲頂得幾耐，我就真係好懷疑。

簡單而言，總體市場估值過高，同時有明顯未足夠price in嘅市場風險。而家沽貨可能太早，但beta risk要點處理，就應該好好考慮一下。