Cup and Handle (3300.HK)

 

呢排港股最賺錢應該都算係呢隻中國玻璃(3300.HK)。圖形走勢亦係經典。杯型位置價格走勢幾乎完美，量的變化亦合乎要求。需要留意的是於突破點，公司市值大約只係二十幾億。

其實原本唔諗住講，因為牌照問題，唔方便喺度俾任何買賣建議。不過今朝收到個咁嘅SMS，我又真係唔抵得：

現價3.6，40%即係2.5先叫人買﹖水尾咯喎大佬。

而家買我自己就唔敢喇，但如果有貨想賣，我俾幾點大家思考下：

1. 前日幾間中資行一齊出報告推呢隻野。時間夾得咁啱就梗係roadshow完啦。拿不過又咁，當年sunny optical都係咁樣幾間外資大行一齊出buy report然後夾穿100蚊嘅，最後升到150左右先見頂。

2. 商品股始終波動大，風險高，都唔適合長期投資嘅。

3. Gap up嘅breakout應該睇高一線，但一輪大漲之後嘅gap up就要格外留神。

4. Breakout嘅日子係5月26日，到尋日，大約八個星期。啱啱好符合O'neil嘅建議最少持貨時間。

賣出與持倉長短

做Venture Cap的人都知道，每個project，都必定會有exit strategy的。亦即於決定投資項目時，必須先定好策略如何退出。這種思路，亦很適合股票投資。

雖然於公開市場要退出，比VC要容易得多。我的意思是，於決定投資股票時，就應該先想好該如何退出。

這不是說要先定止賺價。投資定止賺價，我覺得毫無意義。舉個例子，一隻股票你用每股二元買入，當刻決定如果升到四元就離場。幾個月後股票升到四元了，但明顯還會繼續再升上去。那你要不要執行先前定下的策略﹖

要時常更改策略的策略，就不是好的策略。

要定下賣出的策略，首先就要明白自己持倉的時間。舉例，如果該倉位是短炒的，就必須先定好止蝕價，而股價若短時間飆升，就該反早離場。切勿見勢好就短炒變長揸，明明一個月升兩倍，就覺得還會升下去然後結果打和離場。

相反，長期持有的股票，應該以該公司的行業，經營資料等基本因素為依歸。定止蝕也適宜寛鬆一點，以防基本因素向好但受礙於市場的波動而提早離場的風險。

這種持倉長短的考慮，買入前就應該想清楚，定下的賣出訊號出現，就嚴格執行。買入後才變更想法，投資而言，通常都沒甚麼好事。

Cup and Handle

 

不過大價股到佢咁，圖真係唔太重要。以基本因素，努力思考公司未來方向同發展，比圖重要太多。張圖，just for fun啦。