當股評人同你講港股已死

https://www.edigest.hk/%E6%8A%95%E8%B3%87/%E6%B8%AF%E8%82%A1-%E8%82%A1%E8%A9%95%E4%BA%BA-%E8%83%A1%E5%AD%9F%E9%9D%92-%E8%BD%89%E5%9E%8B-%E5%B7%B4%E8%8F%B2%E7%89%B9-326822/

阿媽係女人嘅事，當連散戶都已經晨咁早轉去美股，而家終於輪到全世界最後知後覺嘅股評人同你講港股難炒，你要小心唻個反高潮。

不過反高潮還反高潮，股評人終於同你講太陽其實係由東邊升起，唔代表你就要去懷疑太陽今朝係咪轉左由西邊升起。基本事實冇變就得。

港股呢幾年唻有三大問題，一直未有解決，估值當然越炒越低。

第一：年年都全球最大集資額，但整體市值同美股比就仍然望塵莫及。可想而知，新股攤薄資金嘅效應明顯，舊股市值自然炒唔起。

第二：年年咁大集資額，但唔好意思，the world is flat，真係稱得上全球最頂級嘅公司有幾多間﹖所謂嘅行業龍頭其實只係中國嘅行業龍頭，come on James，成日叫人有國際視野，你就忘記左炒股嘅人就最有國際視野。

第三：制度落後。好簡單，美股季報conference call，全程要開放俾投資者，事後放上網，懶得聽嘅seeking alpha有transcript。港股呢﹖你想聽conference﹖你係咪fund house﹖係咪大行sell side﹖唔係呀﹖記者﹖過主啦，俾你入唻咪即係全世界都知我公司D野﹖

連個申報網站，都仲係全部得PDF，我識programming就話識轉啫，一般散戶逐粒數入，睇份業績都慢過人，你入得數唻人地trade撚完喇。

港交所咁多年嘅問題就係香港咁多年嘅問題：一味靠黐大陸。搞公平﹖提升上市公司質素﹖唔好意思衡工量值唔包呢啲。

Anyway，反正我又唔係邊個，香港政府嘅野我講多幾句隨時又屈我犯國安法我都費事惹麻煩，我嘅睇法依然冇變：死左嘅魚都可以用唻醃鹹魚，鹹魚有鹹魚嘅食法，你唔好拎去原條蒸就得。

記住，港股係用唻炒嘅，而美股係用唻買嘅。留些少炒港股可以，主力股揀優質美股，賺多少隨緣，但起碼唔會蝕入肉。