Nov 2021

踏入11月，你睇港股仲係半死不活咁，另一邊美股科技龍頭業績繼續創哂新高，所有咩野印度神童乜星逆行嗰D證明錯哂。投資股市呢回事，與其相信神鬼同財演，不如信下自己嘅定力。當然，如果你投資嘅係港股，咁......你自作孽不可活，大陸D政策搞到風聲鶴唳你仲要走埋去，又怨得邊個﹖ 

Tesla

近排冇得唔講Tesla，我又塔兩句咀。我有朋友大約90嘅時候買落(即係未拆股前500左右啦你當)，幾個月前問過我點睇，我話你反正咁平買落冇心理壓力嘅，坐過世啦。

我想講嘅係，我知道股票未來走勢同你嘅買入價係毫無關係嘅，但你嘅買入價絕對會影響你未來對該隻股票嘅判斷力。所以而家高追，我就真係唔建議，對我唻講，反正錯過左就等下一輪啦，急升緊高追好考心理質素嘅。

有揸貨，我就唔建議沽喇，除非你係近幾日先買，cost都高咁就自行判斷，我唔太識短炒冇乜好建議。不過長線持有嘅就繼續揸啦，回調我覺得都梗嘅，但幾時買番我自問就唔識，所以老老實實多一事不如少一事，朋友問親我，妖你咁平買，揸啦，問乜鬼丫，放番幾年拎出唻你買到樓添啦。

大市

美股而家牛市嘛，牛市講嘅唔係眼光，係定力。 忍得到唔好炒出炒入，坐優質美股，做正確嘅事，D錢就自然會唻搵你架喇。牛市最忌隨便話見頂沽貨，走左就隨時入唔番。

對我唻講，美股係用唻彌補港股嘅不足。港股最缺科技股，咁全世界頂尖嘅科技公司，就梗係喺美國啦，咁美股咪就買嗰D囉，中小價股我要買都真係買番港股好D，反正熟頭熟路，美股呢方面又冇乜優勢咁。

利率

至於利率，雖然大陸一日唔開關，航運費好難回落，航運唔回世界物流好難回復正常，不過fed應該都係疊定心水唔會加息架喇，短期丫嘛，所以都係一路mon住冇乜特別事D主力股就唔好搞佢就OK。

中概股

你鍾意啦。我就只會揀D唻short，而家絕對唔會long嘅。騰訊同阿里巴巴係仲係好好嘅，不過唔係而家咁解。